सबल पक्ष वर्तमान नेपालको संविधानले खाद्य सुरक्षा र सम्प्रभुतालाई धारा ३६ मा मौलिक हकको रुपमा समावेश गरेको , खाद्य सुरक्षालाई राज्यका नीति तथा दायित्वभित्र राखिएको , आवधिक योजना , वजेट तथा अन्य कार्यक्रममा यसलाई प्राथमिकता प्रदान गरिएको , खाद्य सुरक्षा र सम्प्रभुता कायम गर्न दिर्घकालिन कृषि विकास रणनीति (२०७२ – २०९२) तर्जुमा भएको , खाद्य अधिकार तथा सम्प्रभूता सम्बन्धी ऐन , २०७५ जारी गरी यसलाई थप बाध्यकारी बनाइएको , खाद्य सुरक्षा र सम्प्रभुता कायम गर्न खाद्य व्यवस्था तथा व्यापार कम्पनी लगायत अन्य संस्थागत व्यवस्था भएको , आदि । दुर्वल पक्ष वा समस्या करिब ८.१ प्रतिशत जनताले दैनिक निर्धारित क्यालोरीयुक्त खाद्यान्न सेवन गर्नबाट वञ्चित रहनु , अनियन्त्रित रुपमा किटनाशक औषधी , विषादी र भेटेनरी औषधीको प्रयोग हुनु , खाद्य तथा गुण नियन्त्रणका लागि जनचेतनामुलक कार्यक्रमलाई व्यापक बनाउन नसक्नु , अनुगमन , मुल्याकंन तथा प्रयोगशाला विश्लेषण कार्य कमजोर हुनु , दुर्गम , हिमाली तथा केही तराई क्षेत्रमा खाद्य उपलब्धता तथा पहुँचको अवस्था कमजोर हुनु , खाद्य वस्तुको अनियन्त्रित रुपमा मूल्यवृद्धि हुनु